Силниот ветер урна канделабра со две рекламни паноа пред Собранието, додека во непосредна близина, во паркот Жена борец се одржува мал антинато протест со десетина демонстранти.

Повод за протестот е денешната посета на Скопје на генералниот секретар на НАТО Јенс Столтенберг, кој има закажано обраќање пред пратениците во Собранието по 12 часот. Најавено е дека ВМРО-ДПМНЕ нема да ја бојкотира денешната седница.

Неколку демонстранти со транспаренти против НАТО протестираат карши Собрание. (Фото: М. Златевска)

Средбата на Столтенберг со премиерот Заев е закажана за 15 часот со официјална церемонија на платото пред Владата, рапорт на командантот на почесната воена гардиска единица, поздрав на знамето на Република Македонија и обиколка на почесната воена гардиска единица.