Обвинителката за организираниот напад на Собранието на 27 април 2017 Вилма Русковска, на новинарско прашање денеска одговори дека поранешниот премиер Никола Груевски не е викнат да сведочи на судењето, бидејќи не бил во Македонија кога се случи нападот и беше терористички загрозен уставниот поредок и безбедноста.

За организаторите на нападот рече дека се надева оти ќе одговараат и додаде дека тој предмет е во предистражна постапка.

Претходно, судијата Добрила Кацарска за реакциите дека судењата се предолги рече дека се води по праксата на Европскиот суд за човекови слободи и права, кој најмногу обрнува внимание на тоа дали судењата се во разумен рок и на скратување на периодот на несигурност и небезбедност на обвинетите во постапката.

С. К. ДЕЛЕВСКА