Утринава замрзна брегот на Охридското Езеро. Дебелината на мразот е неколку сантиметри.

Од ниските температури кои утринава достигнаа и до минус 10 степени измрзна трската кај каналот, а некои кајчиња останаа заробени во мразот.

И просторот каде што пред десетина години беше донесен од струшкиот брег познатиот охридски локвањ е замрзнат. Нема ни трага од ова водно растение.

Плашицата во каналот Студенчишта не е загрозена. Таму не е формирана покривка од мраз, бидејќи водата во него е проточна.

Д. ЧУБРИЌ