Лидерот на ВМРО-ДПМНЕ, Никола Груевски и еврокомесарот за проширување, Јоханес Хан во Брисел разговарале за политичката криза во Македонија и за нејзино враќање на патот на евроатланските интеграции, објави агенцијата Мета.

Маја Коцијанчиќ, портпарол на Европската комисија изјави: „Лидерите веќе изгубија премногу време. Повеќе од итно е да се вратат на преговарачката маса и да го имплементираат Договорот од Пржино. Треба да се создадат услови за веродостојни избори, да се развие владеењето на правото и сите страни да дадат поддршка на работата на Специјалното јавно обвинителство, како и да се имплементираат реформските приоритети“, ја цитира агенцијата Мета, Маја Коцијанчич.