Две зебри денеска стигнаа во скопската Зоолошка градина. Двете зебри, мажјаци се стари една година. Јанош е донација од зоолошката во Словенија, а Јашари од Чешка.

„Зебрите веднаш се прилагодија на условите и скопските температури и се зближија со Зоо негувателите кои ќе се грижат за нив. Првите 20 дена ќе бидат во карантин, а потоа ќе може да ги видат посетителите на Зоолошката“, вели директорот на Зоолошката градина Ѓорѓи Галетановски.

За зебрите кои за прв пат ги има во Зоолошката градина изградено е ново живеалиште. Годинава во градината треба да стигнат и фламинга, морски лав, а после 7 години лекување во Холандија од депресија ќе се врати шимпанзото Коко.

А. АНТЕВСКА