Желбата на граѓаните Северна Македонија да го заземе местото во западните институции ќе стане реалност оваа година, кажа в.д. амбасадорката на САД Микаела Швајцер-Блум на денешното одбележување на 4 Јули, Денот на независноста на Соединетите Американски Држави.

Таа кажа дека САД и во иднина ќе бидат не само пријатели и партнери на зeмјава туку и сојузници.

Одбележувањето на американскиот Ден на независноста 4 Јули годинава беше со амбиент од американските панаѓури. (Фото: К. Попов)

„САД со натрпение чекаат во наредните месеци да ѝ посакаат добредојде на Северна Македонија како 30. члeнка на НАТО, а исто така силно го поддржуваме и почнувањето на пристапните преговори со ЕУ што е можно побрзо“, рече Швајцер-Блум.

Лидерот на ВМРО-ДПМНЕ Христијан Мицкоски на приемот во американската амбасада по повод 4 Јули, Денот на независноста. (Фото: К. Попов)

Прославата во дворот на амбасадата оваа година беше со амбиент од американските панаѓури, кои токму на 4 јули почнуваат да се одржуваат низ целата земја.

4 Јули традиционално се одбележува со голем огномет. (Фото: К. Попов)

На приемот дојдоа премиерот Зоран Заев, претседателот Стево Пендаровски, лидерот на ВМРО ДПМНЕ Христијан Мицковски, министри, градоначалници, пратеници, амбасадори.

А. АНТЕВСКА