Болничарка вработена на Одделението за акушерство и гинекологија при Клиничката болница во Битола е позитивна на ковид-19. Таа се разболела надвор од установата, но била во контакт со дел од вработените, па шест лица од истото одделение се ставени во изолација, потврди за САКАМДАКАЖАМ.МК директорката на Болницата Билјана Гагачовска.

На Инфективното одделение во Битолската болница утрово имаше 30 пациенти и еден сомнителен случај за кој се чекаат реузлтати. Во Битола од почетокот на пандемијата досега има околу 45 заболени, од кои до вчера беа 11 активни, а двајца починаа. Болницата како Регионален ковид-центар го зголеми капацитетот и има обезбеден простор за нови пацинети.

Ж. ЗДРАВКОВСКА