Факултетите при државните универзитети имаат проблеми да обезбедат асистенти. Поради овој проблем се одложуваат и одржувањата на вежбите, рече проректорот за студентски работи на Универзитетот „Св. Климент Охридски“ во Битола, Марјан Ѓуровски при посетата на Техничко -технолошкиот факултет во Велес.

„Суштински проблем на високото образование е немањето на подмладок, потребни се асистенти. Бројот е минимален или скоро да нема асистенти или докторанти на факултетите. Веднаш по изборите ќе треба вработување на млад кадар. Ваква е состојбата скоро на сите државни универзитети и одржувањето на вежбите е доведено во прашање, бидејќи наставниот кадар е ограничен. Или е нивниот број ограничен или ги нема“, рече Ѓуровски.

Ѓуроовски ги информираше студентите дека од овој месец сите редовни студенти на Универзитетот „ Св. Климент Охридски“  се ослободени од такса за упис на семестар.

П. ПЕЧКОВ