ОХРИДСКОТО ПРИСТАНИШТЕ ДОПОЛНИТЕЛНО СЕ ИЗРОНИ НА СИНОЌЕШНИТЕ -13 СТЕПЕНИ

    ОХРИДСКОТО ПРИСТАНИШТЕ ДОПОЛНИТЕЛНО СЕ ИЗРОНИ НА СИНОЌЕШНИТЕ -13 СТЕПЕНИЕкипи на „Нискоградба“ извадија камења од пристапниот дел на пристаништето, за да извршат нивелација на овој дел од брегот (Фото: СДК.МК)

    Синоќешниот студ, кога беа измерени -13 Целзиусови степени, дополнително ги сронија камењата на градското пристаниште во Охрид. Еден негов дел е веќе разурнат, и тоа на самиот влез на паркиралиштето за бродовите од охридската бела флота.

    „Деновиве, екипи на ‘Нискоградба‘ извадија камења од пристапниот дел на пристаништето, за да извршат нивелација на овој дел од брегот. Целиот зафат наскоро ќе биде зваршен”, ни изјави капетанот на Капетанијата на македонските езера Горан Устијановски.

    Тој додаде дека овие оштетувања не ја нарушуваат стабилноста на градското пристаниште. Според него, за санација на откорнатите камења потребни се минимални средства и за тоа веќе биле информирани надлежните општински органи. Најавена е брза поправка на оштетувањата. Најголемите оштетувања на градското пристаниште настанаа во невремето во март минатата година.

    Охрид синоќа ја доживеа една од најстудените ноќи во изминатава деценија, а -13 степени одамна не се измерени во градот.

    Д. ЧУБРИЌ

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира