Општина Центар денес ги урна трафиките кои се наоѓаат на тротоарот кај автобуската станица кај Зелен пазар во Скопје. Од Општината велат дека станува збор за пет времени објекти и се пристапило кон нивно уривање откако инвеститорите, односно сопствениците не постапиле по издадените решенија за отстранување.

Овој потег  есенва беше реновиран и уреден со нов плочник и зеленило од Град Скопје.

„Акцијата продолжува и во наредниот период и ќе опфати уривање на вкупно 18 нелегални објекти на територија на општината“, велат од Општина Центар.

Вчера во рамките на акцијата беа урнати два објекти на улицата Водњанска.

А. АНТЕВСКА