ПОЖАР НАД ГАЛИЧНИК, ЌЕ СЕ ГАСИ СО АРМИСКИ ХЕЛИКОПТЕР

    ПОЖАР НАД ГАЛИЧНИК, ЌЕ СЕ ГАСИ СО АРМИСКИ ХЕЛИКОПТЕРСпоред ЦУК, пожарот зафатил борова шума на непристапен терен и заради засилениот ветар претставува потенцијална опасност за селото Галичник. (Фото: АРМ)

    Хеликоптер на АРМ ќе помогне во гаснењето на пожарот на непристапен терен над селото Галичник, соопшти Центарот за управување со кризи (ЦУК). Засега, хеликоптерот не може да дејствува поради силен ветер.

    Од ЦУК велат дека ќе се обезбедат и координати и лице на терен за комуникација со хеликоптерскиот армиски екипаж.

    „Известена е и Дирекцијата за заштита и спасување (ДЗС), Локалните едининици за противпожарна заштита (ТППЕ), Министерството за внатрешни работи (МВР), а и другите субјекти од Системот за управување со кризи (СУК), согласно процедурите за работа на дежурните регионални центри за управување со кризи“, се вели во соопштението.

    Според ЦУК, пожарот, за кој пријава добиле во 13.30 часот, зафатил борова шума на непристапен терен и заради засилениот ветар претставува потенцијална опасност за селото Галичник, но истовремено и за силите ангажирани за негово гаснење.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира