Струмичката полиција откри дива плантажа со марихуана која ја одгледувале две лица од Општина Ново Село во месноста Матник, во атарот на селото Секирник. Пред надлежните тие го признале делото и добија куќен притвор, а ќе одговараат за кривично дело Неовластено производство и пуштање во промет наркотични дроги и психотропни супстанции.

Двете лица, на возраст од 30 и 34 години, одлучиле на сокриен дел од нивата во месноста Матник во мај оваа година да засадат канабис за што ја подготвиле парцелата, го посадиле семето и ги одгледувале стелбата.

„Во службен разговор тие признале дека, откако обезбедиле семе од растението канабис, ја обработиле почвата и направиле нелегална плантажа на која во мај 2026 година ги засадиле семињата и ги одгледувале растенијата со цел производство на марихуана. Од пријавените се одземени повеќе стебла со различна висина и вкупна тежина од околу 680 килограми“ изјави Александра Трајанова, портпаролка на СВР Струмица.

СВР Струмица до Основното јавно обвинителство (ОЈО) Струмица, поднесе кривична пријава против З. М.(34) и А. Т. Г. (30), двајцата од општина Ново Село. Двете лица пред јавниот обвинител го признале делото и добија куќен притвор.

В. ТРАЈКОВ