Германскиот возач во Формула 1 Себастијан Фетел одби да прими на подарок дрес од италијанската фудбалска репрезентација, пред вечерашниот дуел на Италија и Германија во четврт-финалето на Европското првенство во Франција.
Водителка на „Скај Италија“ му го понуди дресот по денешните квалификации за Големата награда на Австрија, но ѕвездата на Ферари, која е голем фудбалски фан, не сакаше да го прими.
„Подобро да го задржиш, ќе ти треба подоцна за си ги избришеш солзите со него“, и порача Фетел на италијанската водителка.