Повеќе од 1.070 луѓе загинаа, а околу 3.000 до 4.000 биле повредени во земјотресот што на 26 јули 1963 година го погоди Скопје. Земјотресот бил со јачина од 6,1 степени по Рихтеровата скала, односно 9 степени по Меркалиевата скала. Околу 200.000 жители останале без своите домови.

Скопје стана град на солидарноста. Веднаш по земјотресот помош стасала од цела тогашна Југославија, а во обновата на градот учествувале 87 држави во целиот свет.

За прв пат по Втората светска војна, во Скопје во хуманитарна акција се сретнаа војските на САД и на тогашниот Советски сојуз кои помагаа со инженериски единици.

Фотографиите се од приватната архива на Кочо Битољану (1924-2014) кој беше член на првата скопска власт по ослободувањето од фашизмот во 1944 година.

(Фото: СДК.МК – Приватна архива)

(Фото: СДК.МК – Приватна архива)

Разурнатиот Офицерски дом на Плоштадот Македонија – (Фото: СДК.МК – Приватна архива)

(Фото: СДК.МК – Приватна архива)

Земјотресот се случи во 5.17 часот наутро кога Скопјани уште спиеја – мајка и ќерка во тогаш новата населба Карпош каде што покрај центарот имаше најголеми разорувања (Фото СДК.МК – Приватна архива)

Извлекување на жртви и повредени во центарот на градот каде што до темел беше урнат хотелот Македонија