АКТЕРКАТА МИРА ФУРЛАН ПОЧИНА НА 65 ГОДИНИ

    АКТЕРКАТА МИРА ФУРЛАН ПОЧИНА НА 65 ГОДИНИФурлан почина во САД, каде што се пресели во 1991 година

    Мира Фурлан, една од најголемите ѕвезди на југословенскиот филм во 1980-ите, почина на 65 години, беше објавено на нејзиниот профил на Твитер. Таа починала во САД, каде што живееше подолго време.

    Фурлан е родена во 1955 во Загреб, каде што дипломирала глума на Академијата за драмски уметности и во 1978 станала членка на Хрватскиот народен театар. Филмското деби го имаше во „Киклоп“ во 1982, за што освои Златна арена за најдобра споредна улога на Филмскиот фестивал во Пула, по што стана една од водечките југословенски актерки и еден од најголемите секс симболи. Во 1986 беше наградена и со Златна арена за најдобра актерка за „Убавината на порокот“.

    Од крајот на 1980-ите главно работеше во Белград, а во 1991 се пресели во САД, каде што продолжи да глуми, остварувајќи ги најзабележителните улоги во сериите „Вавилон 5“ и „Изгубени“. Авторот на серијата „Вавилон 5“, Мајкл Страчински, ѝ оддаде почит на Фурлан на Твитер, додавајќи дека знаел дека нејзината здравствена состојба се влошувала во последно време.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира