Во конкуренцијата за Златна палма на годинашниот филмски фестивал во Кан се 19 филмови, меѓу кои блескаат петте поранешни победници, британскиот режисер Кен Лоуч (добитник на Златна палма во 2006 и 2019, а ова ќе биде негово 15-то учество), Италијанецот Нани Морети (2001 добитник на Златна палма, најдобар режисер во 1994, а ова е неговото 9-то учество), Турчинот Нури Билге Џејлан (2014 добитник на Златна палма, двапати доби Гран при и еднаш наградата за најдобар режисер, а ова неговото седмо учество), германскиот режисер Вим Вендерс (1984 добитник на Златна палма, а во селекцијата е по 10. пат) и Јапонецот Хироказу Коре-еда (добитник на Златна палма во 2018 и на наградата на жирито во 2013, а по седми пат во Кан).
Во селекцијата се и петмина познати претенденти, како Италијанката Алис Рорвахер (Гран при во 2014 и најдобро сценарио во 2018, по ретпат во Кан) и Марко Белокио (неговото 8-мо учество), Финецот Аки Каурисмаки (Гран при во 2006, а петти пат во Кан) и Тод Хејнс од САД (награда за најдобар уметнички придонес во 1998, 4. пат на фестивалот) и Вес Андерсон (по ретпат во Кан). Ќе има и три режисерки: Австријката Џесика Хауснер и француските авторки Катрин Брејлат (се враќа по 2007) и Жустин Триет. Шест кандидати се за првпат во селекцијата за Златна палма (од кои двајца со документарни филмови, што е многу ретко во конкуренцијата во Кан), меѓу кои и француски режисер со виетнамско потекло Тран Ан Хунг (Златна камера во 1993 и Златен лав во 1995), и англискиот режисер Џонатан Глејзер.
Од геокинематографска гледна точка, Европа во голема мера доминира во селекцијата за со 12 филмаџии во трката за Златната палма: четворица од Франција (Брејлат, Триет, Си и Ан Хунг), тројца од Италија (Рорвахер, Морети и Белокио), двајца од Англија (Лоуч и Глејзер), еден од Австрија (Хауснер), еден од Финска (Каурисмаки) и еден од Германија (Вендерс). Северна Америка ќе има двајца претставници (Хејнс и Андерсон), како и Азија (Коре-еда и Ванг Бинг), додека Африка и Јужна Америка ќе имаат по еден (Бен Ханија и Аинуз), а Билге Џејлан е означен како азиско-европски. Има вкупно шест режисерки.
Во својата трета година од постоењето, програмата Канска премиера (која е намалена во обем) ќе понуди дела од шпански режисер Виктор Ерис, Јапонецот Такеши Китано и Французите Мартин Провост и Кател Квиљере. Големи филмови се вон конкуренција, со „Жана де Бари“ од францускката режисерка Мајвен кој ќе го отвори фестивалот, краткиот филм „Чуден начин на живот“ на Педро Алмодовар и три американски: „Убијци на Цветната Месечина“ од Мартин Скорсезе, Индијана Џонс и бројчаникот на судбината“ од Џејмс Манголд и „Идолот“ од Сем Левинсон.
