ПРВИОТ ДОЛГОМЕТРАЖЕН ФИЛМ НА ИЛИЈА ПИПЕРКОСКИ, „ДЕДО И ВНУК“ ОД УТРЕ ИГРА ВО МИЛЕНИУМ

    ПРВИОТ ДОЛГОМЕТРАЖЕН ФИЛМ НА ИЛИЈА ПИПЕРКОСКИ, „ДЕДО И ВНУК“ ОД УТРЕ ИГРА ВО МИЛЕНИУМДејан Лилиќ и Салаетин Билал ги играат главните улоги во „Дедо и внук“. Билал почина во мај 2018. (Фото: Агенција за филм)

    Првиот долгометражен филм на режисерот Илија Пиперкоски, „Дедо и внук“ од утре од 20 часот ќе игра во скопското кино Милениум. Филмот имаше премиера во Охрид минатата недела. Продуцент е Огнен Антов од „Друм фактори“, во соработка со: „Пандорас бокс продукција“ и „Елиен филм“, и е финансиски помогнат од Агенцијата за филм.

    Главните улоги ги играат: Дејан Лилиќ, Салаетин Билал, Даниела Ивановска, Горан Стојаноски, Благој Веселинов и младиот охриѓанец Наум Цветкоски.

    Режисерот Пиперкоски на премиерата на „Дедо и внук“ минатата недела во Охрид

    „Приказната на филмот почнува по смртта на еден млад пациент, по што младиот доктор Никола се обидува да направи ред во животот и оди на посета кај својот дедо, кај кого последен пат бил пред 10 години. Ова е филм за конфилкт на генерации, со контраст на морални вредности и можности за втора шанса. Љубовта не е нешто кое треба да биде научено. Тоа е нешто кое веќе го имаме, но иронично е што секогаш мора одново да го научиме“, вели Агенцијата за филм.

    Сценариото е на Пиперкоски, директор на фотографија е  Патру Паунеску од Романија, сценографијата е на Владимир Зафирковски, костимограф е Жаклина Крстевска, автор на шминката и маските е Клаудиа Мусат, снимател на звукот е Мариус Станеску, а продуцент на филмот е Огнен Антов.

    Д. ЧУБРИЌ

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари