Македонската режисерка Тамара Котевска носи креација на дизајнерот Марк Боуер од Њујорк на вечерашното доделување на Оскарите. Котевска и Љубо Стефанов се режисери на документарецот „Медена земја“ кој е номиниран во две категории: најдобар документарен филм и најдобар странски филм.
Фустанот е со асиметрични ракави, во боја на слива е изработен од креп жерсе. Боуер важи за еден од најангажираните дизајнери чии креации често ги носат ѕвездите на црвените килими во Холивуд.
Тамара Котевска пред почетокот на Оскарите. (Фото: Фејсбук)
Освен Котевска, целата екипа заедно со хероината Атиџе Муратова е облечена во креации на Тања Кокев.
„Со нетрпение го очекувам црвениот килим и мојата омилена Атиџе во Кокев. Ви благодарам на безрезервната доверба медењаци што ми дозволивте да ве стокмам. Тамара Котевска сепак се одлучи за дизајн, кој не е креација на Кокев. Ви ја посакувам сета среќа на светов и вратете ни се со Оскар“, напиша Кокев на Фејбсук.
Б. НЕСТОРОСКА
