Ал Пачино го доби четвртото дете на 83 години, потврди неговиот публицист Стен Розенфилд. Тоа е неговото прво дете во врската со 29-годишната продуцентка Нор Алфалах.

„Пачино и Алфалах станаа родители на синот Роман“, изјави Розенфилд за агенцијата АП.

Холивудската легенда и Алфалах наводно се заедно од минатата година. Тој има и 33-годишна ќерка од врската со учителката по глума Џен Тарант, како и 22-годишни близнаци, кои ги доби со актерката Беверли Д‘Анџело, со која беше во врска од 1997 до 2003.

Ова следува еден месец откако и 79-годишниот Роберт де Ниро објави дека го добил седмото дете.