Пожарникарите, воздухопловните власти, а од неодамна и јасновидец за животини се вклучија на мисијата на боливиската влада да помогне во пронаоѓањето на Тито, сиво-бел мачор, кој исчезна на домашен лет минатиот месец. Неволјата на Тито и на неговиот одлучен сопственик Андреа Итуре ја плени нацијата.

Министерот за права на потрошувачите Хорхе Силва, минатата недела изјави дека властите дури повикале и јасновидец за да се обидат да стапат во контакт и да ја лоцираат мачката.

„Преку нејзините техники, јасновитката може да комуницира со Тито за да дознае каде е“, рече Силва во интервју за радио. „Ги исцрпуваме сите ресурси за да го најдеме Тито“.

Мачката исчезна на 8 декември, вели Итур во објавата на социјалните мрежи која стана вирална, откако авиокомпанијата ѝ кажала дека мачката мора да патува во одделот за багаж во авионот што летал од Тарија до Санта Круз. Кога слетала, нејзиното милениче го немало никаде.

На 12 декември, министерот за јавни работи Едгар Монтано, најави голем обид за пребарување предводен од државата.

„Мачката сака туна, па затоа ја оставивме туна“, рече тој на прес-конференција, додавајќи дека се сомнева оти мачката можеби останала на аеродромот од кој требало да тргне.

Некои љубители на животни ја критикуваа авиокомпанијата „БoA“ поради исчезнатата мачка. „БоА“ досега малку јавно кажа за случајот и не одговори веднаш на барањето на Ројтерс за коментар. Итуре во едно неодамнешно видео ги повика луѓето да останат будни за знаци на мачката, додавајќи: „Не застанав и нема да престанам да го барам“.