Македонската поп ѕвезда Каролина изминатиов викенд одржа два одлични концерти во Македонската филхармонија, а на 20 и 22 февруари ја очекуваат уште два.
Изведувајќи ги песните од проектот „Македонско девојче“, „Извор“ и некои од најубавите песни од претходните албуми, Каролина блесна во живо, во парчиња од италијанскиот накит „Ребека“, чие заштитно лице е таа, како и во стајлингот на Цаци Паковска.
Фoто: Ф. Вирановски и С. Рајхл
На концертот во саботата носеше ланчиња од колекцијата „Lucciole“ а на вториот обетки и белегзија од колекцијата „Lion queen“.
„Од пред неколку месеци сум заштитно лице на брендот ’Ребека’ кој ми се допаѓа и често го носам и приватно, а најдов и парчиња кои одлично се вклопија во мојот целосен изглед на концертите со Македонската филхармонија”, вели Каролина.
Новата „Lucciole“ колекција е изработена од сребро и кристали кои даваат гламурозен изглед. Тенките сребрени синџирчиња збогатени со мали кристали во транспарентна и црна боја се врвен тренд во модата, а парчињата од оваа колекција се задолжителни за трендовските дами.
„Идеални за секојдневни комбинации или за свечени пригоди“, велат од луксузниот бренд.
Фoто: Ф. Вирановски и С. Рајхл
Громогласен гламур е најсоодветниот опис на новата „Lion Queen“ колекција која асоцира на сјајот на средновековниот накит на елегантен, а сепак современ начин. Иконичниот мотив на кралскиот лав е претставен на медалјоните од позлатено сребро со специјална техника на полирање и патинирање. Античката привлечност на колекцијата е совршена за уникатни, препознатливи, силни и шармантни дами кои на својот секојдневен или гламурозен изглед сакаат да додадат бохо-шик нота.
Фoто: Ф. Вирановски и С. Рајхл
Луксузната продавница за италијански накит „Ребека“ беше отворена лани во ноември, со ВИП гости, дипломати, бизнисмени, поп-ѕвезди, спортисти и стилисти во скопскиот трговски центар „Рамстор“. На отворањето дојде и сопственичката на брендот, Ребека Тести, која ни рече дека компанијата пред 20 години ја основал нејзиниот татко, кој е и дизајнер, а таа сега е одговорна во делот за маркетинг, извоз, но и за дизајнот. Партнерка во Македонија е Ива Милошевска, дипломиран комуниколог и пиар експерт на универзитетот во Рим.
Седиштето на компанијата се наоѓа на 20 минути од Фиренца, и Тести вели дека тие имаат 100 отсто производство во Италија, сѐ се прави во самиот објект, од производство до пакувањето за извоз.
Генералниот директор и претседател на Управниот одбор на „Алкалоид АД Скопје“, Живко Мукаетов со италијанско-македонските партнерки за брендот „Ребека“, Ребека Тести и Ива Милошевска (Фото: К. Попов)
„Нашите три основни вредности се страст, мода и дизајн ‘мејд ин Италија”. Дизајнот е она што нѐ разликува од другите произведувачи. Ние сме лесно препознатливи, ги следиме најновите трендови, модни ревии и навистина се грижиме за дизајнот и стилот на накитот“, вели италијанската дизајнерка.
Брендот „Ребека“ има отворено продавници во Љубљана и во Загреб, а за предизвикот да отворат претставништво во Скопје, Тести вели: „Предизвикот е понекогаш е сакаш да ги рашириш крилјата, да отвораш нови продавници во нови земји, но важно е да ги одбереш вистинските партнери. Ние со Ива и со нејзиното семејство градиме одлична врска“.
