КИРЕ ЛАЗАРОВ ИМ ГИ ИСПОЛНИ НОВОГОДИШНИТЕ ЖЕЛБИ НА ДЕЦАТА НА ДЕТСКА КЛИНИКА

    КИРЕ ЛАЗАРОВ ИМ ГИ ИСПОЛНИ НОВОГОДИШНИТЕ ЖЕЛБИ НА ДЕЦАТА НА ДЕТСКА КЛИНИКА

    Капитенот на ракометната репрезентација Кире Лазаров ги посети децата на одделот за онкологија на Детската клиника во Скопје и им даде подароци кои беа нивни желби упатени до Дедо Мраз.

    На Давид, Фехми, Емир, Едон, Никола, Реис, Ана, Мерџан и Дилара деновите им поминуваат на детската клиника на одделот за онкологија. Тие имаат помеѓу 2 и 13 години, секој со своја новогодишна желба, а нивните родители само една. Истата им ја посака и Кирил Лазаров и неговите пријатели од „Форца“.

    Меѓу дечињата најголем беше Мерџан кој има 13 години и веќе не верува во Дедо Мраз, но го препозна Кире и му посака многу среќа на претстојното Светско првенство и му го покажа телевизорот на кој ќе го гледа и ќе навива за Македонија. Капитенот му вети дека до почетокот на Мундијалот ќе му испрати и дрес за Мерџан да биде вистински навивач.

    Дел од дечињата беа заминати за празниците дома, а нивните подароци од Кире и „Форца“ медицинските сестри ги ставија под елката и ќе им ги дадат кога ќе се вратат во болница. Кире им посака на сите дечиња многу здравје и им вети повторна средба.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари