МИСТЕРИОЗНИ РАДИОСИГНАЛИ ПРИМЕНИ НА ЗЕМЈАТА ОД ГАЛАКСИЈА ОДДАЛЕЧЕНА 1,5 МИЛИЈАРДИ СВЕТЛОСНИ ГОДИНИ

    МИСТЕРИОЗНИ РАДИОСИГНАЛИ ПРИМЕНИ НА ЗЕМЈАТА ОД ГАЛАКСИЈА ОДДАЛЕЧЕНА 1,5 МИЛИЈАРДИ СВЕТЛОСНИ ГОДИНИЕдна од теориите е дека сигналите доаѓаат од високомагнетизирана ротирачка неутронска ѕвезда; - радиотелескопот ЦХИМЕ во Канада кој детектираше 13 сигнали

    Астрономите открија детали за мистериозните сигнали емитувани од далечна галаксија, што лани беа примени од телескоп во Канада.

    Точните природа и потекло на радиобрановите не се познати, но астрономите посочуваат на многу необичен повторувачки сигнал што доаѓа од истиот извор, оддалечен 1,5 милијарди светлосни години. Ваков настан досега бил регистриран само уште еднаш, од друг телескоп.

    „Знаејќи дека има уште еден, значи дека би можело да ги има и повеќе. Ако имаме повеќе повторувачки сигнали и извори за проучување, би можеле полесно да ги разбереме овие космички загатки, од каде доаѓаат и што ги предизвикува“, изјави Ингрид Стерс, астрофизичар од Универзитетот Британска Колумбија.

    Опсерваторијата ЧИМЕ се состои од четири 100 метри долги и полуцилиндрични антени, кои го скенираат целото северно небо секој ден.

    „Откривме втор повторувачки сигнал и неговите својства се слични на првиот. Тоа ни кажува повеќе за својствата на овие сигнали како популација“, вели Стерс.

    Една од теориите е дека сигналите доаѓаат од високомагнетизирана брзоротирачка неутронска ѕвезда.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари