Новозеландски планинар чудесно преживеал пад од височина од 600 метри со мали повреди откако паднал низ планината Таранаки. Полицијата кажа дека тој бил спасен од пролетното време кое го омекнало мразот и овозможило да приземји на снег.

„Тој е исклучително среќен што е жив“, соопшти полицијата.

Планинарот бил дел од група која ја искачувала планината Таранаки на новозеландскиот Северен Остров, кога паднал додека бил на врвот. Член на локалната спасувачка екипа истиот ден бил на планината и помогнал да се лоцира паднатиот планинар.

Таранаки, што всушност е заспан вулкан, важи за една од најсмртоносните планини на Нов Зеланд. Во 2021, двајца планинари загинале откако паднале од истата точка на планината.