Тим лекари и истражувачи користеле вештачка интелигенција (ВИ) за да развијат мерод за кој тврдатдека би можел да биде нов начин за поефикасни РНК вакцини и терапии за таканаречени болести поврзани со животниот стил, како што се дијабетесот и дебелината. Предводени од истражувачи од Технолошкиот универзитет Нанјанг (НТУ), Технолошкиот институт во Масачусетс (МИТ) и Универзитетот во Минесота, тимот тврди дека ВИ што ја користеле дошла до предвидувања за наночестички кои „ќе функционираат уште подобро“ од оние што обично се користат за РНК третмани.

Пристапот „би можел драматично  да го забрза процесот на развој на нови РНК вакцини, како и терапии што би можеле да се користат за лекување дебелина, дијабетес и други метаболички нарушувања“, според тимот, чии наоди беа објавени во списанието „Нејчр нанотехнолоџи“.

„Применивме алатки за машинско учење за да постигнеме забрзување на идентификацијата на оптимални мешавини на состојки во липидните наночестички заради таргетирање на различен тип клетка или да постигнеме инкорпорирањето различни материјали, многу побрзо отколку што беше можно претходно“, вели Џовани Траверсо, вонреден професор по машински инженеринг на МИТ и гастроентеролог во болницата Бригам и Женската болница.

„Повеќето модели на вештачка интелигенција во откривањето лекови се фокусираат на оптимизирање на едно соединение истовремено, но тој пристап не функционира за липидни наночестички, кои се направени од повеќе интерактивни компоненти“, вели Алвин Чан од НТУ.

Тимот ја користел истата „трансформаторска архитектура“ што ги обликува моделите на големи јазични роботи како што е Четџипити, за да ја развие својата верзија наречена Комет, вели тој.