ВТОРАТА ПАРАДА НА ГОРДОСТА ВО СКОПЈЕ НА 26 ЈУНИ, МОТОТО Е „ВОН ЅИДОВИТЕ!“

    ВТОРАТА ПАРАДА НА ГОРДОСТА ВО СКОПЈЕ НА 26 ЈУНИ, МОТОТО Е „ВОН ЅИДОВИТЕ!“Првата Парада се одржа во 2019, а лани настаните се одржаа онлајн поради ковид пандемијата. (Фото: СДК.МК)

    „Вон ѕидовите!“ е слоганот на втората Парада на гордоста во Скопје, закажана за 26 јуни, но рутата низ градот дополнително ќе биде сооопштена, вели организаторот Националната мрежа против хомофобија и трансфобија (НМХТ).

    Првата Парада се одржа во 2019, а лани настаните се одржаа онлајн поради ковид пандемијата.

    Говорејќи за слоганот, организаторите велат дека ЛГБТИ+ заедницата, како ретко која друга група граѓани, добро ја познава изолацијата и често искусува живот скриен меѓу ѕидовите на нашите мали, приватни простори.

    „Имајќи предвид дека парадите на гордоста имаат за цел да ја зголемат видливоста на нашата заедница, слоганот ‘Вон ѕидовите!’ го посветуваме на сите ЛГБТИ+ луѓе кои гордо и достоинствено ќе се приклучат на поворката, но и на сите оние кои од различни причини не можат да бидат отворени и да бидат дел од парадата, давајќи им поддршка и ветување дека здружно ќе продолжиме да работиме на рушење на ѕидовите и креирање нов и подобар свет за сите нас. Конечно, слоганот ‘Вон ѕидовите!’ го посветуваме и на сите луѓе во нашата земја, бидејќи изолацијата и затвореноста меѓу ѕидови е нешто што заедно го искусивме и чие надминување стана заедничка цел и желба“, велат од Националната мрежа против хомофобија и трансфобија.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира