Полски навивачи попладнево пак се степале меѓу себе во Скопје, а како што дознаваме неофицијално од Министерството за внатрешни работи околу 200 лица се приведени.

„Поголема група навивачи се степале во Градскиот парк во близина на стадионот. Полициските припадници интервенирале и ги привеле“, велат за САКАМДАКАЖАМ.МК од Министерството за внатрешни работи.

Приведените навивачи вечерва додека трае фудбалскиот натпревар меѓу Македонија и Полска ќе бидат задржани во полициска станица, за да не се случат нови инциденти.

Тепачка меѓу навивачите имаше и вчера во кафуле на Плоштад Македонија.

Вечерва во 20.45 часот Македонија и Полска го играат првиот меѓусебен натпревар од квалификациите за пласман на европското првенство во 2020 година.

А. АНТЕВСКА