Апелациониот суд Скопје донесе одлука да ги укине првостепените затворски пресуди за Ејуп Алими и Исмет Гури во случајот „Титаник 3“ за изборни нерегуларности. Казните од по 3,5 години затвор изречени од Основниот кривичен суд Скопје веќе не важат и на двајцата ќе им се суди одново.
„Апелациониот суд Скопје известува дека, постапувајќи по кривичниот предмет КЖ-743/20, во јавноста познат како ‘Титаник 3’ , по одржана нејавна седница на ден 12.07.2021 година, донесе решение со кое ги уважи жалбите на обвинетите И.Г. од С. и Е.А. од С., изјавени преку нивните бранители, со што ја укина првостепената пресуда и предметот го врати пред Основниот кривичен суд Скопје на повторно постапување и одлучување“, соопшти денеска Апелациониот суд Скопје.
- ВИШИОТ ОБВИНИТЕЛ БЕКТЕШИ ИЗБЕГА ОД ЈАВНА СЕДНИЦА ВО АПЕЛАЦИЈА ЗА ЗАТВОРСКИТЕ КАЗНИ НА АЛИМИ И ГУРИ ОД ДУИ
- КАКВА ВРСКА ИМА ШТО БИЛЕ ТАТКОВЦИ ЗА ДА ИМ СЕ НАМАЛИ КАЗНАТА ПОД ЗАКОНСКИОТ МИНИМУМ, ФАТИМЕ ФЕТАИ ПРЕД АПЕЛАЦИЈА БАРА ПОВИСОКИ ЗАТВОРСКИ КАЗНИ ЗА АЛИМИ И ГУРИ ОД ДУИ
- ЕЈУП АЛИМИ И ИСМЕТ ГУРИ ОСУДЕНИ ПО 3 ИПОЛ ГОДИНИ ЗАТВОР ЗА ПРЕПРАВАЊЕ ГЛАСОВИ НА ЛОКАЛНИ ИЗБОРИ ВО КОРИСТ НА ДУИ
- ЕЈУП АЛИМИ И ИСМЕТ ГУРИ ГИ УКРАДОА, ПА ГИ ВРАТИЈА ЗАПИСНИЦИТЕ ОД ГЛАСАЊЕТО, СЕ ИСПЛАШИВ ЗАШТО БЕА МНОГУ ЈАКИ ЛУЃЕ ВО ДУИ, КАЖА СВЕДОК ОД ГЕРМАНИЈА ПО КОНФЕРЕНЦИСКА ВРСКА
На 31 март минатата година, поранешниот координатор на пратеничката група на ДУИ Ејуп Алими беше неправосилно осуден на три ипол години затвор за уништување на изборен материјал на локалните избори во 2013 година во Чаир за да победи ДУИ. Истоветна казна тогаш доби и Исмет Гури, тогашен секретар на Општинската изборна комисија Чаир, сега вработен во УЈП, за истото кривично дело.
