Полицијата ги истурка демонстрантите и го спречи нивниот обид да го урнат Прометеј. Го обиколи споменикот, а демонстрантите ги потисна да излезат на булеварот пре Собрание. Во исто време до демонстрантите се доближија и водените топови, а се појави и возило на Брза помош.

Водените топови се доближија на демонстрантите (Аматерска фотографија)

Активисти на Шарената револуција со маски на лицата се обидоа да го урнат споменикот. Го искинаа платното со кое беше заграден и се искачија највисоко на скелето. Го заврзаа платното околу вратот на Прометеј и во моментот кога почнаа да го влечат платното за да го урнат споменикот, дојде полицијата и почна да ги потиснува. Во истиот момент се вклучија и водените топови. Репортрите на СДК.МК јавија дека поранешниот министер за внатрешни работи Оливер Спасовски се качил на еден од водените топови.

Препирката со полицијата се уште трае. Полицијата е околу Прометеј, пред нив има демонстранти, а една група демонстранти е зад нив, во паркот. Таму се оти полицијата ги потисна и останаа зад полициската барикада.