Три деца и еден возрасен со мали сипаници денес се хоспитализирани на Клиниката за инфективни болести, децата не биле вакцинирани со вакцината МРП (морбили, рубеола, паротит), а кај возрасниот вакциналниот статус е непознат.
„Од новопримените деца на Инфективна клиника, едното дете е на возраст од пет години и тоа е од Сопиште, другото дете е од Аеродром на возраст од 1,5 години, а третото е од Карпош и е на возраст од 2,5 години. Ниту едно од нив не одело во градинка, ниту пак биле вакцинирани. Возрасниот е од тетовското село Брвеница, има 26 години и тој е со непознат вакцинален статус“, велат од Министерството за здравство.
Во последните 24 часа на Клиниката амбулантски се прегледани уште 4 пациенти со симптоми на морбили, но со полесна клиничка слика и тие се пуштени на домашно лекување.
„Амбулантски се прегледани едно дете на возраст од 2,5 години, кое било невакцинирано и тројца возрасни на 34, 35 и 42 години и сите се со непознат вакцинален статус3, велат од Министерството за здравство.
Вчера на клиниката беа примени три нови случаи на заразени со мали сипаници и од ова заболување сега таму се лекуваат триесетина пациенти, а досега регистрирани се над 70 слуачи на заразени со висрусот на морбили.
„Денес вакцина примиле 179 деца, а од почетокот на епидемијата вакцинирани се 3.760 деца“, велат од Министерство за здравство.
Е. БОЧВАРОСКА
