ДИК ЌЕ ПОТРОШИ 2,7 МИЛИОНИ ЕВРА ЗА РЕФЕРЕНДУМОТ

    ДИК ЌЕ ПОТРОШИ 2,7 МИЛИОНИ ЕВРА ЗА РЕФЕРЕНДУМОТВо финансискиот план не се предвидени бонуси за членовите на ДИК. - Претседателот на ДИК Оливер Дерковски (Фото: СДК.МК)

    Претседателот на Државната изборна комисија Оливер Дерковски вели дека за спроведување на референдумот за Договорот со Грција на 30 септември е предвидено да се потрошат околу 2,7 милиони евра. Тоа е намалување од 20 отсто во однос на средствата одобрени од Собранието во износ од 3,4 милиони евра.

    „ДИК има обврска да донесе финансиски план за распоредување на овие средства. Во овој план првично се планира да се потрошат 169.770.000 денари, односно 20 проценти помалку од предвидените. Планот не значи дека ова е дефинитивната бројка. Се надеваме дека по спроведување на тендерите ќе се изврши натамошно намалување на средствата со цел рационално трошење на парите од даночните обврзници“, рече Дерковски на денешната седница на ДИК.

    За надоместоци за изборните органи односно за општинските изборни комисии и избирачките одбори во земјата, како и за избирачките избори во дипломатско конзуларните претставништва се предвидени 1,3 милиони евра, додека за членовите на ДИК не се предвидени бонуси.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира