Македонскиот премиер Емил Димитриев денеска во Сараево учествува на состанокот на премиерите од Западен Балкан, заедно со Еди Рама од Албанија, Иса Мустафа од Косово, Александар Вучиќ од Србија, Душко Марковиќ од Црна Гора и домаќинот Денис Звиздиќ од БиХ.

Присутен е и еврокомесарот за проширување и соседска политика Јоханес Хан, како и италијанскиот министер за надворешни работи Анџелино Алфано.

На состанокот ќе се разговара за приближување на регионот кон ЕУ и за регионални проекти за поврзување на транспортната и енергетската инфраструктура, а ќе се разговара и за теми од областа на младите и образованието.