ЕУ ПОСТИГНА КОНСЕНЗУС ЗА ПОЧНУВАЊЕ ПРЕГОВОРИ СО МАКЕДОНИЈА, РЕЧЕ ВИЦЕПРЕМИЕРОТ ОСМАНИ

    ЕУ ПОСТИГНА КОНСЕНЗУС ЗА ПОЧНУВАЊЕ ПРЕГОВОРИ СО МАКЕДОНИЈА, РЕЧЕ ВИЦЕПРЕМИЕРОТ ОСМАНИОсмани рече дека се очекува одлуката денеска да се потврди, а на 24 март да се официјализира од министрите за Европа и за надворешни работи на Советот за општи работи на Европската унија (ГАК), а потоа и на самитот на лидерите на ЕУ предвиден за 26 март во вид на видеоконференција; - Од состанокот во Берлин меѓу Меркел и Макрон со лидерите на земјите од Западен Балкан на 30 април 2019 (Фото: Влада на РСМ)

    Постигнат е консензус во ЕУ за одлука за почнување преговори со Република Северна Македонија – безусловна и со барање за одржување на првата меѓувладина конференција веднаш по одобрување на преговарачката рамка, изјави денеска вицепремиерот за европски прашања Бујар Османи.

    Османи рече дека се очекува одлуката денеска да се потврди, а на 24 март да се официјализира од министрите за Европа и за надворешни работи на Советот за општи работи на Европската унија (ГАК), а потоа и на самитот на лидерите на ЕУ предвиден за 26 март во вид на видеоконференција.

    „Ова е исклучително добра вест, не само затоа што претставува постигнување на консензус од сите 27 земји членки по сите разлики кои постоеја во последните 15 години и навистина претставува историски момент за државата. Сепак, денеска и во наредните денови треба истата и формално да се потврди, изјави Османи.

    Позитивната вест од Брисел, како што рече Османи, доаѓа по средбата на постојаните претставници на земјите членки на ЕУ на која било разговарано и за проширувањето.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира