ГЕРБ ОСВОИ НАЈМНОГУ ГЛАСОВИ ВО МАКЕДОНИЈА, ГЛАСАЛЕ ПОМАЛКУ ОД 500 БУГАРИ

    ГЕРБ ОСВОИ НАЈМНОГУ ГЛАСОВИ ВО МАКЕДОНИЈА, ГЛАСАЛЕ ПОМАЛКУ ОД 500 БУГАРИЗа бугарските избори во Македонија се гласаше во Скопје, Битола, Охрид, Велес, Штип, Струмица, Кавадарци и Прилеп. - Бојко Борисов (Фото: СДК.МК)

    ГЕРБ на поранешниот премиер Бојко Борисов освои најмногу гласови во Македонија на вчерашните парламентарни избори во Бугарија, четврти за нецели две години, според податоците од бугарската Централна изборна комисија.

    Од вкупно 461 гласач на избирачките места во Македонија, за партијата на Борисов, која освои најмногу гласови и во Бугарија, гласале 127. ВМРО-БНД на Красимир Каракачанов, која во Бугарија освои 0,8 отсто, во Македонија собра 91 глас. Продолжуваме со промената на Кирил Петков освои 69 гласа во Македонија, а двоцифрен број гласови имаат уште Демократска Бугарија (38) и Преродба (30).

    Утринава, поранешниот премиер Зоран Заев му честиташе на Борисов „за победата и освоената најголема доверба од бугарскиот народ“, нарекувајќи го Борисов негов добар пријател.

    За бугарските избори во Македонија се гласаше во Скопје, Битола, Охрид, Велес, Штип, Струмица, Кавадарци и Прилеп.

    По речиси 100% пребројани гласови во Бугарија, ГЕРБ води со 25,34% освоени гласови, пред Продолжуваме со промената (20,20%). Уште четири партии го надминаа прагот од 4% освоени гласови потребни за влез во парламентот, но меѓу нив не е Има таков народ, која беше победник на изборите во јули минатата година, но потоа не успеа да формира влада.

     

     

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира