Поранешниот премиер Никола Груевски, обвинет во пет предмети на СЈО, од кои во еден е осуден на 2 години затвор, претпладнево беше во Основниот суд Скопје 1 да се пријави, обврска што ја има секој петок поради изречените мерки на претпазливост и одземениот пасош.
По пријавувањето, Груевски отиде преку улица на Економскиот факултет, на одбрана на докторската дисертација. Дисертацијата на Груевски е насловена „Економските ефекти на различните видови меѓународни текови на капитал, со посебен осврт на Република Македонија“.
Груевски е осуден на 2 години затвор во случајот „Тенк“, за злоупотреби при набавка на службениот мерцедес од 600.000 евра, а пресудата уште не е правосилна. Му се суди и во случаите „Титаник“, „Траекторија“, „ТНТ“ и „Насилства во Центар“.
С. К. ДЕЛЕВСКА
