Холандија бара брзо донесување на Законот за спречување и заштита од дискриминација во Собранието, како еден од реформските закони потребни за исполнување на условите за почеток на преговори со ЕУ.

„Се надеваме на брзо комплетирање на процедурата за усвојување на Законот за спречување на дискриминација во Собранието. Неопходно е да се подобрат законите и практиките, посебно тие наведени во извештаите за напредокот кон ЕУ“, твитна холандскиот амбасадор Воутер Пломп.

Предлогот на Законот за спречување и заштита од дискриминација е на дневен ред денеска во Собранието и е предвидено да се донесе по скратена постапка, бидејќи е со европско знаменце.