Апелациониот суд Скопје веднаш по денешните седници за жалбите на пратениците Крсто Мукоски, Љупчо Димовски и актерот Владо Јовановски, одлучи Мукоски да остане во затворот Шутка, Димовски да остане во куќен притвор, а само мерката ефективен притвор против Јовановски, ја ублажи. Исто како и за другите организатори на протестите на „За заедничка Македонија“ за Игор Дурловски, Богдан Илиевски и Борис Дамовски, така и за Владо Јовановски одреди куќен притвор.

Денеска советот одлучи да му ја одбие жалбата и на пратеникот од ВМРО-ДПМНЕ Сашо Василевски, кој исто како Мукоски, останува и натаму во затворот Шутка.