Лидерот на ЛДП Горан Милевски вчера во 16.30 часот бил нападнат на скопскиот плоштад Македонија од непознато лице.

Милевски, кој е пратеник, добил неколку тупаници по главата и лицето, по што напаѓачот веднаш избегал. Милевски нападот го пријавил во полиција.

Од Министерството за внатрешни работи потврдија дека лидерот на ЛДП Горан Милески бил нападнат.

„Додека се движел по плоштадот Македонија, Милевски бил нападнат од едно лице. Се преземаат мерки и активности за расчистување на целиот случај“, изјавија од МВР.