МАКЕДОНСКАТА ИНФОРМАТИВНА АГЕНЦИЈА ЌЕ СЕ ВИКА МЕДИУМСКА ИНФОРМАТИВНА АГЕНЦИЈА – ОСТАНУВА КРАТЕНКАТА МИА

    МАКЕДОНСКАТА ИНФОРМАТИВНА АГЕНЦИЈА ЌЕ СЕ ВИКА МЕДИУМСКА ИНФОРМАТИВНА АГЕНЦИЈА – ОСТАНУВА КРАТЕНКАТА МИАПреименувањето на институциите финансирани од буџетот се врши по обврските од Конечната спогодба со Република Грција (Фото: Влада на РСМ)

    Владата соопшти дека на денешната седница го усвоила извештајот од меѓуресорската работна група за извршување на обврските од Конечната спогодба со Република Грција, според кој новиот назив на АД Македонска информативна агенција – Скопје во државна сопственост (МИА), ќе биде АД Медиумска информативна агенција – Скопје во државна сопственост (МИА).

    Новото име на АД Електрани на Македонија – ЕЛЕМ ќе гласи АД Електрани на Северна Македонија (ЕСМ), а новиот назив на АД за поштенски сообраќај „Македонска пошта“ во државна сопственост – Скопје, ќе гласи АД за поштенски сообраќај „Пошта на Северна Македонија“ во државна сопственост Скопје.

    „Во таа насока, се усвои и предлог одлука за изменување и дополнување на Статутот на Акционерското друштво за производство на електрична енергија со која се преименува во Електрани на Република Северна Македонија, АД ЕСМ Скопје“, соопшти Владата.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари