Демонстрантите од Шарената револуција, многу помалку од вчера, маршираат низ центарот на Скопје. Тие тргнаа пред седиштето на Специјалното јавно обвинителство (СЈО) и се движат кон зградата на јавниот дифузен сервис Македонска радио телевизија (МРТВ), јавуваат репортерите на САКАМДАКАЖАМ.МК.
Во Скопје околу 18 часот врнеше многу дожд, но сега врне помалку и организаторите од здруженето Протестирам очекуваат дека пред зградата на МРТВ ќе им се придружат повеќе граѓани.
„Ќе маршираме дотаму за да им порачаме дека тие се наш сервис и дека нивна задача е да работат професионално, а не партиски. Ќе им порачаме дека МРТВ е на граѓаните, од граѓаните и за граѓаните!“, објави здружението Протестирам најавувајќи го вечерашниот протест.
Коментари