Германската канцеларка Ангела Меркел телефонски разговарала и со македонскиот и со грчкиот премиер, Зоран Заев и Алексис Ципрас, потврдија за „Дојче Веле“ од кабинетот на канцеларката.

За што разговарала Меркел со двајцата премиери не е соопштено, но разговорите се реализираат само два дена откако македонскиот премиер Заев на македонската јавност ѝ соопшти дека предлог-решението за името е „Република Илинденска Македонија“ и откако набрзо потоа од Атина преку соопштение на грчката влада кажа дека треба да се најде име што ќе има географска или временска одредница.

Меркел на маргините на самитот ЕУ-Западен Балкан во Софија имаше одвоени средби со Зоран Заев и со Алексис Ципрас, по што порача дека се радува што слуша дека „добро напредуваат разговорите меѓу Македонија и Грција“.

„Обете земји сторија многу во правец на значителен напредок, иако сè уште не се на целта“, рече таа минатиот четврток во Софија.