По претседателот Стево Пендаровски, за хаосот во Судскиот совет се огласи и министерот за правда Кренар Лога, кој се надева и посакува да се надмине ситуацијата и Судскиот совет биде орган кој ќе води грижа за угледот на судството.
„Министерството за правда со голема загриженост ги следи настаните во Судскиот совет. И покрај тоа што Судскиот совет е самостоен и независен орган кој треба да ја обезбеди самостојноста и независноста на судската власт, она што во моментов се случува во голема мера ќе влијае на натамошната доверба на граѓаните во судството. Се надеваме и посакуваме да се надмине целокупната ситуација а Судскиот совет да биде орган кој ќе води грижа за угледот на судството“, соопштија од Министерството за правда.
Оттаму додаваат дека испратиле барање до Судскиот совет да ги достави на увид записникот од вчерашната седница како и усвоениот дневен ред.
На вчерашната седница на Судскиот совет, спротивно на законот и деловникот беше разрешена претседателката Весна Дамева, на предлог на нејзиниот заменик Селим Адеми.
Денеска, немаше мнозинство во Советот за избор на нов претседател.
Претседателот Пендаровски реагираше дека вакви сцени не му доликуваат на Судскиот совет.
- НЕ СЕ СОБРА МНОЗИНСТВО, ОДЛОЖЕН ИЗБОРОТ НА НОВ ПРЕТСЕДАТЕЛ НА СУДСКИОТ СОВЕТ
- СУДСКИОТ СОВЕТ СО СЦЕНИ ШТО НЕ МУ ДОЛИКУВААТ ЈА НАМАЛУВА ДОВЕРБАТА НА ГРАЃАНИТЕ ВО ПРАВОСУДНИОТ СИСТЕМ, ВЕЛИ ПЕНДАРОВСКИ
- ГРУПАТА ВО СУДСКИОТ СОВЕТ КОЈА ВЧЕРА НЕЗАКОНСКИ ЈА РАЗРЕШИ ПРЕТСЕДАТЕЛКАТА ДАМЕВА, СЕГА ГИ УБЕДУВА ОСТАНАТИТЕ ЧЛЕНОВИ ДА ГЛАСААТ ЗА НОВ ПРЕТСЕДАТЕЛ ЗАШТО НЕМА МНОЗИНСТВО
- ПО НЕЗАКОНСКОТО РАЗРЕШУВАЊЕ НА ПРЕТСЕДАТЕЛКАТА ДАМЕВА, НЕЈЗИНИОТ ЗАМЕНИК ВО СУДСКИОТ СОВЕТ АДЕМИ ДЕНЕСКА ИТНО ЌЕ БИРА НОВ ПРЕТСЕДАТЕЛ
- РАЗРЕШЕНА ПРЕТСЕДАТЕЛКАТА НА СУДСКИОТ СОВЕТ ДАМЕВА, ПОТПРЕТСЕДАТЕЛОТ АДЕМИ САМ ГО СТАВИ ПРЕДЛОГОТ НА ГЛАСАЊЕ
- ПОТПРЕТСЕДАТЕЛОТ НА СУДСКИОТ СОВЕТ СЕЛИМ АДЕМИ, КОЈ 10 ГОДИНИ Е НА ФУНКЦИЈА, ОДБИ ДА КАЖЕ ДАЛИ ГО БРАНИ СУДИЈАТА ЕНВЕР БЕЏЕТИ ОД РАЗРЕШУВАЊЕ
- ВОЈНА ВО СУДСКИОТ СОВЕТ ЗА СУДИЈАТА ЕНВЕР БЕЏЕТИ, СЕ СОБИРААТ ГЛАСОВИ ЗА РАЗРЕШУВАЊЕ НА ПРЕТСЕДАТЕЛКАТА ВЕСНА ДАМЕВА АКО ГО СТАВИ НА ДНЕВЕН РЕД БАРАЊЕТО ЗА НЕГОВА ОДГОВОРНОСТ ЗА „ТВРДИНА-ТАРГЕТ“
