СУДСКИОТ СОВЕТ СО СЦЕНИ ШТО НЕ МУ ДОЛИКУВААТ ЈА НАМАЛУВА ДОВЕРБАТА НА ГРАЃАНИТЕ ВО ПРАВОСУДНИОТ СИСТЕМ, ВЕЛИ ПЕНДАРОВСКИ

    СУДСКИОТ СОВЕТ СО СЦЕНИ ШТО НЕ МУ ДОЛИКУВААТ ЈА НАМАЛУВА ДОВЕРБАТА НА ГРАЃАНИТЕ ВО ПРАВОСУДНИОТ СИСТЕМ, ВЕЛИ ПЕНДАРОВСКИРазрешената претседателка на Судскиот совет Весна Дамева е избрана за член на Советот на предлог на претседателот Стево Пендаровски. (Фото: СДК.МК)

    На Судскиот совет не му доликуваат вакви сцени, вели претседателот Стево Пендаровски, по дводневниот хаос и беззаконие што се случува во ова највисоко тело во судската власт. 

    „Ставот на претседателот Пендаровски е дека се случуваа сцени кои не му доликуваат на телото кое има многу одговорна улога, со оглед на надлежностите кои ги има во изборот и разрешување на судии и оценување на работата на судиите, грижата за угледот на судството како клучен фактор за довербата на граѓаните кон судството. Со вакви постапки, дополнително се намалува кредибилитетот, не само на Судскиот совет, туку и довербата на граѓаните во правосудниот систем“, велат од Претседателскиот кабинет.

    Вчера, група членови на Судскиот совет незаконски ја разрешија претседателката Весна Дамева, која е избрана за член на Советот на предлог на Пендаровски. Денеска истата група се обидува да ги собере неопходните гласови за да избере нов претседател на Судскиот совет.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира