Асоцијацијата на специјализанти и млади лекари, по протестот во Скопје на толпа против ковид-мерките и вакцините против коронавирусот која скандираше „Тие не се доктори, тие се убијци! Убијци, убијци!“, ги повика Лекарската комора и Министерството за здравство да се разбудат и да ја заштитат фелата.

„Најостро го осудуваме говорот на омраза кон докторите и сите здравствени работници кои и со живот го платија лекувањето на пациентите болни од ковид. Ја повикуваме Лекарската комора да си ја врши својата работа и да ги заштити сите наши колеги, а Министерство за здравство да ги заштити сите вработени. Ако кој било наш колега биде нападнат или вознемирен од толпата која протестира, ќе прекинеме да лекуваме и ние ќе излеземе на улица“, се закани оваа лекарска асоцијација со објава на официјалната страница на Фејсбук.

Речиси никој од присутните не носеше маска. (Фото: Ѓ. Личовски)

Лекарите на протестот пред Собранието во недела навечер беа нарекувани убијци, а новинарите платеници.

Речиси никој од демонстрантите не носеше маски, а тие што носеа, ги запалија и ги сечеа со ножици.

Неколку жени скандираа „Ајде сега Венко пуши ми го куров“, а потоа ја анализираа работата на лекарите и правеа експертиза за начините на кои се лекуваат пациентите.

„Гори, пичка ти материна!“, пцуеше девојка додека ја палеше маската.

С. К. ДЕЛЕВСКА