Русија не се противи на новото име на Македонија, туку прашува дали бил легитимен процесот за негово усвојување, кажа рускиот министер за надворешни работи Сергеј Лавров на годишната прес-конференција. Тој праша дали процесот по кој дојде новото име се должи на желбата на Грција и Македонија да најдат консензус или се должи на желбата на САД да ги внесат сите балкански земји во НАТО што е можно побрзо за да го запре руското влијание во регионот.
„Ние отсекогаш сме го поддржувале тој дијалог. Ние секогаш зборувавме да се најде решение на начин прифатлив за јавноста, народите и секако владите на Грција и Македонија. Ние не сме против името што на крајот се појави и беше соопштено. Ние само ја доведуваме во прашање легитимноста на процесот и колку тој навистина се должи на стремежот на Грција и Македонија да најдат консензус или се должи на желбата на САД да ги внесат сите балкански земји во НАТО што е можно побрзо за да го запре руското влијание во регионот“, изјави Лавров.
Македонскиот парламент на 11 јанури ги усвои уставните измени за новото име Република Северна Македонија.
