Основното јавно обвинителство Скопје оформи предмет по допрен глас ​за трошењето на буџетски средства од страна на членовите на Државната комисија за спречување на корупција, соопшти Јавното обвинителство.

ОЈО реагира по серијалот објави на САКАМДАКАЖАМ.МК за ревизијата на УЈП, која откри дека членови на Антикорупциската комисија ненаменски трошеле буџетски средства.

• ВО АНТИКОРУПЦИСКА СИ ЗЕМАЛЕ ПАРИ ЗА ПАТНИ ТРОШОЦИ СО ЛАЖНИ НАЛОЗИ, А НЕКОИ НЕ ОДЕЛЕ НИ НА РАБОТА
• АНТИКОРУПЦИОНЕР ИЗНАЈМИЛ СТАН ЗА 100 ЕВРА, А ЗЕМАЛ 350 ЕВРА
• ЧЛЕНОВИТЕ НА АНТИКОРУПЦИСКА ДА СИ ПОДНЕСАТ ОСТАВКА ВЕДНАШ, ПОБАРА РЕМЕНСКИ ВО ИМЕ НА ПАРЛАМЕНТАРНОТО МНОЗИНСТВО

Обвинителството соопшти дека презема дејствија за утврдување на факти во предметот, за прибирање на податоци и на потребната документација од Управата за јавни приходи и други релевантни институции.

Ревизијата до која дојде САКАМДАКАЖАМ.МК се однесува на составот на Комисијата со претседателот Игор Тантуровски и членовите Фарие Алиу, Горан Миленков, Жаклина Дамческа, Најдо Спасевски, Сузана Таскова Аџикотарева и Сејди Халили, кои се на оваа функција во ДКСК од април 2015.

А. АНТЕВСКА