Во Македонска Каменица денес е отворен дневен центар за лица со интелектуална попреченост. Центарот е со површина од 200 квадратни метри и има просторија за рехабилитација.

„Овој дневен центар многу ќе значи и ќе им го зголеми квалитетот на секојдневието на лицата со попреченост во Македонска Каменица и околните места. Центарот е отворен за целото општество, и во мементот го посетуваат 16 лица кои ќе ја добијат потребната нега, едукација и социјализација. Во центарот со лицата со попреченост ќе работат логопед, социјален работник и две негователки“, кажа министерката за труд и социјална политика Мила Царовска.

Градоначалничката на Македонска Каменица Соња Стаменкова рече дека центарот покрај лицата со интелектуална попреченост до 18 години ќе бидат опфатени и возрасни лица.

„Во центарот ќе има програмски активности кои ќе се однесуваат на реализација на индивидуална програма за работа за секое лице, а ќе се работи и во група и со родителите на корисниците“, кажа Стаменковска.

Во уредување на објектот општината инвестираше 12,3 милиони денари.