Советот на Град Скопје на вонредна седница донесе одлука да им исплати по 180.000 денари еднократна парична помош на семејствата со загинати во вчерашното невреме.
Советот, како и Управувачкиот центар за кризи претходно, и предложи на Владата на вонредната седница, закажана за 16.30 часот, да прогласи кризна состојба во скопскиот и тетовскиот регион, кои беа најтешко погодени од синоќешното невремено. Вонредна седница имаше и Советот на општина Гази Баба, на чија територија имаше најмногу жртви и материјална штета, и беше решено семејствата со загинати да добијат по 100.000 денари еднократна парична помош.
Засега се пријавени 20 загинати во силното невреме што го зафати скопскиот регион.