ПОЧИНАТОТО ДЕТЕ СО МАЛИ СИПАНИЦИ СЕ ЗАРАЗИЛО ОД ТАТКОТО

    ПОЧИНАТОТО ДЕТЕ СО МАЛИ СИПАНИЦИ СЕ ЗАРАЗИЛО ОД ТАТКОТОПочинатото дете претходно било примено на Клиниката за инфективни болести, а по влошување на состојбата било пренесено на Детска клиника (Фото: СДК.МК)

    Тринаесетмесечното дете од Свети Николе, кое вчера попладне почина од компликации предизвикани од мали сипаници на Клиниката за детски болести, претходно подолго време било лекувано од белодробни заболувања и на Клиниката за детски болести и во домашни услови. Директорката на Клиниката за детски болести д-р Катерина Савриќ вели дека детето малите сипаници ги префатило од неговиот татко, кој исто така во овој период се заразил со мали сипаници.

    „Детето пред неколку дена е примено на Клиниката за инфективни болести, но поради влошување на состојбата во петокот беше префрлено на нашата Клиника. Претходно, ова дете поради белодробни болести повеќе пати е лекувано и поради намалениот имунитет не ни можело да биде вакцинирано, бидејќи било третирано со кортикостероиди за белодробното заболување“, вели д-р Ставриќ.

    Таа кажа дека откако се заразило со мали сипаници состојбата му се влошила и првично е примено на Клиниката за инфективни болести, од каде по неколкудневно лекување е препратено на Детска клиника.

    „Апел до родителите да ги вакцинираат децата, бидејќи опфатот треба да биде над 95 отсто, бидејќи вака се најпогодени токму оние чиј имунитет е намален и не може да бидат вакцинирани“, вели д-р Ставриќ.

    На барање на министерот за здравство Венко Филипче за утре е закажана вонредна седница на Комисијата за заразни болести за да се разгледа што уште можат да се направи за да се спречи ширењето на болеста.

    Е.БОЧВАРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари