ПОДНЕСЕ ОСТАВКА ДИРЕКТОРОТ НА ТЕТОВСКА БОЛНИЦА ФЛОРИН БЕСИМИ

    ПОДНЕСЕ ОСТАВКА ДИРЕКТОРОТ НА ТЕТОВСКА БОЛНИЦА ФЛОРИН БЕСИМИФлорин Бесими се надева дека ќе заврши што побрзо целосната истрага и ќе се утврдаат причините за пожарот во модуларната болница во Тетово за пациентите со ковид -19. (Фото: Фејсбук)

    Директорот на Тетовската болница Флорин Бесими попладнево соопшти дека поднел оставка по пожарот во ковид центарот во кој загинаа 14 лица.

    „Како доктор, кој цел мој професионален живот сум го посветил во лекување на моите сограѓани и како прв човек одговорен во Клиничката болницата во Тетово, со која раководам последниве години, чувствувам морална и етичка одговорност од страшниот настан во кој згаснаа човечки животи. Почитувани, со голема тага за секоја жртва и за секој член на нивното семејство, Ве информирам дека, поради оваа морална одговорност која ја чуствувам, давам оставка од раководното место директор на Клиничката болница Тетово. После овој трагичен и несреќен настан, оваа одлука е неминовна“, напиша Бесими на Фејсбук.

    Тој се надева дека ќе заврши што побрзо целосната истрага и ќе се утврдаат причините за пожарот во модуларната болница во Тетово за пациентите со ковид -19.

    Ковид центарот во Тетово целосно изгоре за три минути на 8 септември вечерта, при што загинаа 14 лица, од кои 12 пациенти и двајца роднини.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира